~Ásdísin

Einhver??

2005-12-31T02:36:00.000Z

Jæææja, á ég að fara að blogga eitthvað hér? Eða skoðar enginn þessa síðu lengur?

Ný síða ;)

2005-10-04T15:28:00.002Z

Er búin að gera síðu með Cinderellunum mínum ;)

www.blog.central.is/cinderellas

Mjög svo ekki öflug í blogginu þessa dagana!

2005-09-07T16:58:00.000Z

Komiði sæl og blessuð!!

Eins og þið sjáið er ég ekki beint hin öflugasta í þessum blessuðu bloggksrifum, en vonandi batnar það bráðum þar sem ég, Helena, Eva og Linda erum að spá í því að gera bloggsíðu saman ;) ráðlegg ykkur að bíða spennt eftir því!!

En jæja eins og flest allir vita er skólinn byrjaður. Hugsunin við það að vera komin á annað ár í menntaskóla er mjög skrítin, en svoleiðis er það víst! Er eiginlega bara í sama bekknum fyrir utan smávægilegar breytingar - einhverjir hættir, einhverjir sem skiptu um bekk og nýir komu í staðinn...

Svo hef ég fréttir að færa ;D gamlar að vísu en ég læt vaða! Bergdís besta besta besta systir og hann Einir búa nú hér heima og er það ekkert annað en yndislegt að hafa hana í húsinu. Ég saknaði hennar svo mikið þegar hún bjó í Eyjum í sumar þannig að það er frábært að hún sé komin heim!!

Önnur serían af The O.C er nú byrjuð á Skjá einum, öllum eflaust til mjög mikillar gleði! En þar sem ég varð svo forvitin eftir fyrsta þáttinn í þessari nýju seríu, var Elvar maðurinn hennar Berglindar svo yndislegur að copera alla seríuna fyrir mig á disk =D ég er semsagt búin að liggja yfir þessum mjög svo tilfinningaþrungnu þáttum núna í meira en viku!!

"Á Þjóðhátíð í fór, fór, fór.."

2005-08-02T19:48:00.000Z

Sæl og blessuð!!

Þá er helgin á enda. Komin heim eftir mjög svo vel heppnaða helgi í Eyjum =]
Á fimmtudagskvöldið var lagt af stað með flugi til Eyja - og auðvitað seinkaði því! Svo loksins þegar ég lenti þá kom ekki einu sinni farangurinn minn með fluginu mínu þannig að ég þurfti að fara að sækja hann um klukkutíma seinna útá flugvöll. Bergdís mín kom og sótt mig á flugvöllin og við fórum heim til hennar en því miður þurfti hún að fara að vinna þannig að ég fór bara að prufa að vinna aðeins í Ísjakanum. Um miðnætti þegar Bergdís var búin að vinna skelltum við okkur út að hitta allt fólkið sem var fyrir utan húsið sem Húkkaraballið var í. Þarna hitti maður fullt af skemmtilegu fólki og var þetta alveg æðislegt kvöld/nótt.

Á föstudeginum fór ég með Bergdísi að ná í Róbert vin hennar uppá flugvöll. Hann ætlaði að fá að gista garðinum með fullt af öðru fólki - garðurinn var gjörsamlega þakinn tjöldum ;p Svo komum við heim og ég fór aðeins að æfa mig í sjoppunni fyrir næturvaktina löngu! Kvöldmaturinn var frekar merkilegur að mínu mati - þá var ég í fyrsta skipti að borða lunda! Já hann var alveg ágætur með kartöflunum og uppstúfnum sem mamma hans Einis bjó til - bragðaðist bara eiginlega alveg eins og hangikjöt! Svo tók vinnan við frá 22 til 10 morguninn eftir - ótrúlegt en satt þá var bara alveg ótrúlega gaman að vinna þarna, þrátt fyrir Þjóðhátíðina ;)

Á laugardeginum var sofið langt fram eftir degi, kjötsúpa borðuð og svo skelltum við okkur niður í dal - í grenjandi rigningu og roki!! Tíbískt Þjóðhátíðarveður held ég bara. Þannig að það var ekkert annað hægt heldur en að skellla sér í flotta regngallan sem ég keypti mér áður en ég fór til Eyja! Í dalnum var setið í brekkunni, kíkt í nokkur tjöld, spjallað við fólk og svo má ekki gleyma flugeldasýningunni sem var alveg ótrúlega flott!! Ég, Bergdís og Einir héldum svo heim á leið eitthvað í kringum 2 leitið til að skipta um föt ennnn svo var bara svo þægilegt að komast inn að við bara nenntum ekki út í þetta leiðindar veður! Fengum okkur smá snarl og settumst svo fyrir framan sjónvarpið! Klukkan fjögur um nóttina tók svo vinnan við - alveg til klukkan 10 morguninn eftir.

Sunnudagurinn var alveg frábær að mínu mati - alveg ágætis veður og svona. Við fórum niður í dalinn um níu leitið og fengum okkur sæti í brekkunni. Þar var mikið af skemmtulegu fólki; Bergdís, Einir, Elena, Þórir, Róbert, Guðjón, Kári, Hildur - og fullt af öðru fólki sem ég bara veit eiginlega ekkert hvað heitir! Það var sungið, spjallað og margt fleira fram á nótt en svo hélt ég heim á leið um klukkan 2 til að fara í vinnuna til klukkan 10 á mánudagsmorguninn.

Mánudagurinn fór aðallega í svefn - fyrir utan kvöldið sem var notað til sjónvarpsgláps, sem var bara ágætt eftir mikla vinnu!

Í morgun kom ég svo heim í Kópavoginn - sæl og glöð með skemmtilega Þjóðhátíð í Eyjum =D

Takk fyrir góða helgi "allir" !

Langt um liðið

2005-07-20T00:54:00.000Z

Hæhó ;)

Jæja þá hef ég loksins gefið mér tíma til að blogga smávegis! Það er búið að vera alveg nóg að gera hjá mér. Vinna á hverjum degi eins og vanalega, það er bara alveg ágætt nema þegar það er ótrúlega gott veður úti! Þá vildi ég óska þess að ég væri í bæjarvinnunni. En svona er þetta já..

Undur og stórmerki gerðust þann 14.júlí. Já hún Kristbjörg mín besta átti afmæli og fékk hún þá einnig bílprófið sitt =D mikið var hehe sagði hún!! Og auðvitað tók hún mig á smá rúnt á afmælisdaginn, alveg prýðis bílstjóri þessi elska ;)

Svo eru aðeins 9 dagar í það að ég yfirgefi heimili mitt í 4 daga..já ég er að fara á Þjóðhátíð í Eyjum ;D ójáá..verð reyndar að vinna í sjoppunni Ísjakanum hjá tengdapabba hennar Bergdísar á nóttunni en það er bara allt í besta...þar sem ég er ekkert mikill djammari er þetta bara alveg kjörið starf fyrir mig ;) Hlakka alveg ótrúlega til að fara og hitta alla aftur, sérstaklega hana Bergdísi mína - sem kíkti reyndar í bæinn síðustu helgi en ég er strax farin að sakna hennar!

Annað kvöld er svo plönuð Tívolíferð með vinnunni. Erna var svo elskuleg að bjóða okkur stelpunum í Tívolíið í Smáralind, fáum armband sem gildir í 4 tíma. Ég og Krissa ætlum að fara alveg billjón sinnum í froskinn, við misstum okkur aðeins þar um daginn!

Á föstudaginn kemur hún Hildur mín heim frá Frakklandi örugglega alveg rosa brún og sæt og með einhverjar skemmtilegar sögur af ferðinni ;) Svo fer Krissa út 29.júlí til Spánar , kemur heim í 2 daga og fer aftur í Danmerkur...bara mikið að gera hjá henni! Svo fer Helena mín til Danmerkur held ég um Verslunarmannahelgina meðan ég verð í Eyjum...allir að fara eitthvað!!

En jæja....vinna í fyrramálið ;) Góða nótt!

Einhverntíman er allt fyrst ;)

2005-07-05T19:50:00.000Z

Jæja þá er ég komin heim í Kópavoginn eftir ferð mína til Vestmannaeyja, fyrstu ferð mína en ööörugglega ekki þá síðustu!!

Ferðlagið byrjaði á föstudaginn þar sem ég tók flug til Eyja. Var komin þangað um korter í eitt og þá biðu Bergdís og Einir úti á flugvelli eftir mér =D æðislegt að sjá þau aftur, þó sérstaklega hana Bergdísi mína. Þar á eftir tók smá bíltúr við þar sem þau sýndu mér eyjuna flottu ;) Dagurinn leið og ég held að ég og Bergdís höfum heyrt alla sem við hittum segja: "Váá hvað þið eruð líkar" jájájá tjaa ég bara veit ekki, hver dæmir bara fyrir sig ;p Um kvöldið elduðum ég og Bergdís kjúkling a la mamma og líkaði öllum vel =D Síðan komu vinir þeirra í heimsókn og svo var bara skriðið undir sæng með DVD í tækinu ;)

Á laugardeginum var brjallað margt og mikið. Við kíktu á Sparisjóðhátíðina niðri í bæ og fengum pylsu/pulsu, fórum að bíltúrast, horfðum á fótboltaleikinn ÍBV - Fylkir - en ég og Bergdís létum okkur hverfa eftir 30 mínútur og fórum í Ísjakann og fengum ís =D Um kvöldið var svo farið heim til vinar Bergdísar og Einis og svo þaðan niður í Skvísusund. Þar var brjáluð stemming, fullt af fólki og tónlist útum allt - meðal annars hann Árni nokkur Johnsen ;) Eftir mikið spjall við fullt af hressu fólki og nokkur dansspor héldum ég og Bergdís heim á leið - tja nokkuð seint fyrir ódjamm-manneskju eins og mig ;p

Á sunnudeginum var grenjandi rigning og brjálað rok allan daginn. Ég og Bergdís fórum eftir kvöldmatinn og ég keypti mér Crépes á Café Maria og svo fórum við bara að horfa á vídjó með nokkrum vinum þeirra seinna um kvöldið. Svo vaknaði ég þreytt snemma á mánudagsmorguninn til að fara útá flugvöll og fljúgja beinustu leið heim eftir skemmtilega ferð ;)

Eyjar á föstudaginn!!

2005-06-28T11:44:00.000Z

Veriði sæl ;)

Þá er ég sest hér fyrir framan tölvuna aftur og ég ætla að reyna að blogga e-ð smá.
Svosem ekkert mikið að frétta af mér, bara búin að vera að vinna og vinna og vinna og vinna. Svosem alveg fínt bara ! Hlakka til að fá útoborgað ennnn þeim peningum verður ekki eytt í einhverja vitleysu neineinei ég ætla að reyyyna að spara aðeins svo ég geti nú kannski keypt mér BÍL! Jáhá hvort að það verði fyrir áramót, eftir áramót, næsta sumar eða næsta haust kemur allt í ljós =]

Á föstudaginn verður mikið gaman og mikið fjör! Þá er ég sko að fara til EYJA í mitt fyrsta sinn að hitta Bergdísi mína og hann Einir ;) Hlakka alveg ótrúúúúlega mikið til að hitta þau bæði tvö!!...og svo auðvitað að kynnast einhverju nýjufólki vonandi!! Goslokahátíðin er víst núna um helgina og þá er eitthvað voðalega mikið að gerast.

Þetta verður semsagt “fyrsta sumarfríið mitt” þetta sumarið ;)

Mí kasa, sú kasa!

2005-06-15T00:35:00.000Z

Hmm jæja..svolítið síðan ég bloggaði síðast. Ekki neitt mikið búið að gerast hjá mér undanfarið nema það að hún Bergdís systir er kominn í bæinn ;D hún hefur tekið sé smá frí frá Eyjunni og ákvað að kíkja í heimsókn, en hún fer nú samt aftur á fimmtudaginn eða föstudaginn.

En annars skelltum við skutlurnar okkur í bíó í kvöld. Fórum að sjá Monster in law og jújú hún var góð eins og í fyrra skiptið. Jáááá ég var að fara í annað skiptið á þessa mynd, búin að fara svolítið oft í bíó undanfarið oggg þar af leiðandi búin að sjá allar myndir í bíó sem mig langar til að sjá...

Núna sitjum við Bergdís bara uppí rúmi, báðar með sitthvora fartölvuna og höfum það gott ;)

Sól og sumarfrí??

2005-06-04T22:54:00.000Z

Jæja..þá er ég komin aftur!

Jújú sólin er búin að vera ansi dugleg að láta sjá sig undanfarna daga en sumarfríið, það er annað mál! Ég er búin að vera að vinna frekar mikið núna alveg síðan skólinn hætti...já ég held að ég geti nú ekki kallað þetta mikið sumarfrí =S En svona er þetta...

Kvöldið [eða það sem er búið af því ] er búið að vera frekar dapurlegt..jébbs jébbs! Ég er bara búin að vera ein heima, eins og reyndar alla síðustu viku, en núna er ég alveg aaaaalein! Vinkonurnar allar að gera eitthvað annað, uppteknar eða hreinlega hafa ekki tíma í augnablikinu...nema ég auðvitað..örugglega eina manneskjan sem sit ein heima á þessu líka yndislega laugardagskvöldi að gera ekki neitt, ekki skemmtilegt skal ég segja ykkur!!!

Ætli séu einhver takmörk fyrir því hve mikið manni leiðist?

Góður dagur í dag!

2005-05-31T10:04:00.000Z

Sæl veriði..
..núna ætla ég að reyna að blogga eitthvað smá hér ;)

Síðustu vikur og dagar eru búnir að vera alveg ágætir bara...
Miðvikudaginn 25.maí fór ég og sótti einkunnirnar mínar og jújú þær voru alveg ágætar, tvær fimmur, tvær sjöur og 4 áttur. Var kannski ekki alveg nógu sátt með fimmurnar en maður reynir bara að gera betur næst ;)
Þannig að, núna er fyrsta ári mínu í menntaskóla lokið!! Fyndin tilhugsun þar sem mér fannst svo stutt síðan ég byrjaði..en svona er þetta, allt svo fljótt að líða, sérstaklega þegar maður skemmtir sér vel ;D

Ég er komin með bílpróf!!

Jéss jéss rétt er það! Ég er farin að keyra um allan bæinn eins og bjálæðingur og búin að fara í tvo ísbíltúra =D skemmtilegt það. En því miður er ég ekki búinn að fara með henni Helenu minni í bíltúr þar sem hún stakk af til Flórída 27.maí. Ég sakna hennar ekkert smá!! En hún kemur nú heim 5.júní og þá verður sko farið í einn laaaaangan ísbíltúr! Pottþétt ;)

Síðustu daga er ég bara búin að vera að vinna í Veröldinni ;) fínasta fínt bara! Stundum vildi ég samt að ég væri að vinna útivinnu...þangað til í dag þegar ég var á leiðinni heim úr vinnunni í greeeenjandi rigningu! Aumingja krakkarnir sem eru að vinna í bæjarvinnunni var það fyrsta sem ég hugsaði ;p

Í dag á hann pabbi minn afmæli! =D En því miður er hann í útlöndum, með mömmu og Heiðdísi, þannig að hann á inni hjá mér stórt knús og pakka þegar hann kemur heim!!

ÁsDísin

Fyrsta bloggið á nýju síðunni ;D

2005-05-29T22:05:00.000Z

Jæja þá er ég komin með nýja blogg-síðu...allavega ætla ég að prufa þetta. Ég er komin með svo mikla leið á Blog Central blogginu þannig að ég reyni að gera eitthvað flott við þetta ;)